ग्रामपंचायत आसनगाव 

पालघर जिल्ह्यातील डहाणू तालुक्यात वसलेले आसनगाव हे निसर्गाच्या कुशीत वसलेले एक पारंपरिक आदिवासी बहुल गाव आहे. भौगोलिकदृष्ट्या हे गाव डहाणूच्या डोंगराळ भागात येत असल्याने येथील हवामान प्रल्हाददायक असते. २०११ च्या जनगणनेनुसार, या गावाची लोकसंख्या साधारणपणे २,००० च्या आसपास असून येथे राहणारी बहुतांश कुटुंबे ही वारली आणि मल्हार कोळी यांसारख्या आदिवासी समाजातील आहेत. गावातील साक्षरतेचे प्रमाण शहरी भागापेक्षा कमी असले तरी, अलीकडच्या काळात शिक्षणाबाबत जागृती निर्माण होत असून नवीन पिढी जिल्हा परिषदेच्या शाळांमधून शिक्षण घेत आहे.गावातील लोकांचा मुख्य व्यवसाय शेती हा आहे. पावसाळ्यात येथील शेतकरी प्रामुख्याने भात (धान), नाचणी आणि वरी यांसारख्या पिकांची लागवड करतात. शेती हा हंगामी व्यवसाय असल्याने, उन्हाळ्यात अनेक ग्रामस्थ रोजगारासाठी वीटभट्ट्यांवर किंवा जवळच्या शहरी भागात मजुरीसाठी जातात. यासोबतच पशुपालन, कुक्कुटपालन आणि बकरीपालन हे जोडधंदे गावाच्या अर्थव्यवस्थेला हातभार लावतात. जंगलातून मिळणारे मध, डिंक आणि वनौषधींचे संकलन करून त्यांची विक्री करणे हा देखील अनेकांच्या उपजीविकेचा एक महत्त्वाचा भाग आहे.आसनगाव ची संस्कृती आणि परंपरा अत्यंत समृद्ध आहे. येथे निसर्ग पूजेला सर्वोच्च स्थान दिले जाते. होळी, दिवाळी आणि वाघबारस हे सण संपूर्ण गाव एकत्र येऊन मोठ्या उत्साहात साजरे करतात. सण-उत्सवांच्या वेळी घुमट आणि तारपा यांसारख्या वाद्यांच्या तालावर होणारे ‘तारपा नृत्य’ हे गावाच्या सांस्कृतिक वारशाचे प्रतीक आहे. येथील घरांच्या भिंतींवर आजही वारली चित्रकला पाहायला मिळते, जी त्यांच्या साध्या पण अर्थपूर्ण जीवनशैलीचे दर्शन घडवते. आधुनिकतेच्या प्रवाहात सामील होत असतानाही आसाणगावने आपली मूळ संस्कृती आणि निसर्गाशी असलेले नाते आजही जपून ठेवले आहे..